*ରଜ ମଉଜ*
ରଜ ମଉଜ ର ଗୋଟି ଗୋଟି କଥା
ସ୍ମୃତି ରେ ସାଇତା ହୋଇଛି
ମନେ ପଡିଯାଏ ପିଲାଦିନ ,ଏବେ
ରଜ ତ ବଦଳି ଯାଇଛି।।
ପହିଲି ରଜ ର ଆଗଦିନ ଠାରୁ
ସଜବାଜ ଦିନ ଆରମ୍ଭରେ
ଚାଉଳ କୁଟିବା ବିରି କୁ ବାଟିବା
ମା ମୋର ପିଠା ପଣା କରେ ।।
ପୋଡପିଠା ମିଠା କ୍ଷୀରି ମିଠାପାନ
ଦିଆ ନିଆ ହୁଏ ସାହିସାରା
ହଳଦୀ ଅଳତା ଚନ୍ଦନ ର ଚିତା
ନୁଆ ପୋଷାକରେ ଦୋଳି ଝୁଲା।।
ଆମ୍ବ ଗଛ ଦୋଳୀ ଝିଅ ବୋହୁ ମେଳି
ଗୋଲାପ ବଉଳ ସହି ମିତ
ପୁଚି ଖେଳ ଲୁଡୁ ତାସ ର ଖେଳ
ତିନିଦିନ ଧରି ଭୋଜି ଭାତ।।
ଆଗ ପରି ଗାଁ ନାହିଁ ନାହିଁ ଗଛ
ଜଳୁଛି ଝାଡୁଛି ନିଆଁ ଝୁଲ
ରଜ ର ମଊଜ ଠିକଣା ଭୁଲିଛି
ସ୍ମୃତି ସେତ ମଧୁର ମଧୁର।।
ପୁଷ୍ପାଞ୍ଜଳି ପଣ୍ଡା
କେନ୍ଦ୍ରାପଡ଼ା
1 Comments
କବୀଙ୍କୁ ସାଧୁବାଦ ନିଛକ ଚିତ୍ରଟିଏ ଆଙ୍କିଥିବାରୁ
ReplyDelete