ମୁନୁଷ ଜୀବନର ମହିମା (ଡ଼ଃ ନିତ୍ୟାନନ୍ଦ ଖମାରୀ, ହୀରାକୁଦ, ସମ୍ବଲପୁର)

 

          

ମୁନୁଷ ଜୀବନର ମହିମା 

              ଡଃ. ନିତ୍ୟାନନ୍ଦ ଖମାରୀ 

              ହୀରାକୁଦ, ସମ୍ବଲପୁର    

    

ତୁଇ ହେବୁ ଯେତେ ଧନୀ ହେଇଥା 

ମୁଇଁ ଗରିବ୍ ହେଲେ କାଣା ହେଲା

  ମଲେ ଜୁଏ ଥି ସଭେ ଜଲମା 

ଇଟା ମୁନୁଷ୍ ଜୀବନର୍ ମହିମା ll୧ll

   ତୁଇ ଯେତେ ସୋନୋ ପାଉଡର୍ 

    ମାଖି ଗୋରା ହେଲେ ହଉଥା 

 କଲା ଗୋରା ସଭେ ଯାକ ପୁଡ଼ିଯିମା 

 ଇଟା ମୁନୁଷ୍ ଜୀବନର୍ ମହିମା ll୨ll

    ରଜା ପରଜା ସଭେ ହେମା ଭେଟ୍ 

    ଇଟା ତ ଇ ଦୁନିଆଁର ସତର ଗେଟ୍ 

        ଭାଙ୍ଗି ଯିବା ଗରବ୍ ଗାରିମା 

ଇଟା ମୁନୁଷ୍ ଜୀବନର୍ ମହିମା ll୩ll

ତୁମେ ପିନ୍ଧୁଥିବ ସୁନା ରୁପାର୍ ମାଲା 

ଦିନେ ରୂପ ହେଇଜିବା ଢିଲା ମେଲା 

       ସତେ ଆଖିଁର୍ ପାନି ଢାଲମା 

ଇଟା ମୁନୁଷ୍ ଜୀବନର୍ ମହିମା ll୪ll

ଜୀବନର୍ ମୁକତି ଗୁଟେ ହିଁ ଭାବନା 

    ଲକ୍ଷ୍ୟ ଏକା ସଦା ହେଉ ସାଧନା 

        ରାମ କୃଷ୍ଣ ନାମ୍ ଗାଏମା 

ଇଟା ମୁନୁଷ୍ ଜୀବନର୍ ମହିମା ll୫ll

    

ସଁସାରେ କରୁଥିମା ଏନ୍ତା ଗୁଟେ ନାଟ୍ 

ଚାଲିଛେ ଗରବ୍ ଅହଁକାରର୍ ହାଟ୍ 

    ଆଗେ ପଛେ ସଭେ ଯିମା 

   କହ କାଏଁ କରି ଗରବ୍ କରମା 

ଇଟା ମୁନୁଷ୍ ଜୀବନର୍ ମହିମା ll୬ll

ସୁରଜ୍ କେବେ ଉଦୁଛେ କେବେ ବୁଡ଼ୁଛେ 

ଆଲୋକ୍ ଯାଉଛେ ଆନ୍ଧାର୍ ଆଉଛେ 

   ଜନମ୍ ହେଲେ ନିଶ୍ଚେ ମରମା 

      ଡ୍ରାମା ସରଲେ ପଲମା 

  ଇଟା ମୁନୁଷ୍ ଜୀବନର୍ ମହିମା ll୭ll

ସବୁ ଭୁଲି ମୁନୁଷ୍ କେ ମୁନୁଷ୍ ଭଲିଆ ଦେଖ୍ 

   ରହିଥିବା ତୋହର୍ ସବୁବେଳେ ଟେକ୍ 

     ଏନ୍ତା ଆଉଥିମା ଯାଉଥିମା 

      ରହେବା ଧରମର୍ ଗାରିମା 

 ଇଟା ମୁନୁଷ୍ ଜୀବନର୍ ମହିମା ll୮ll

😂😂😂😂😂😂😂😂😂😂

💀👽💀👽💀👽💀👽💀💀