କିପରି କରିବି(ଚନ୍ଦ୍ରକାନ୍ତି ମିଶ୍ର)

ଗଢିବା ସାମର୍ଥ୍ୟ ନାହିଁ ମୋର ପ୍ରଭୁ 

ଭାଙ୍ଗିବି କିପରି କୁହ ,

ଖୁସି ଆଣିପାରୁନାହିଁ ଜୀବନେ ଯାହାର 

କିପରି ଦେବି ମୁଁ ଲୁହ ।।

କ୍ଷମା କରିବାର ଦକ୍ଷତା ନ ଥାଇ 

ଶାସ୍ତି କିପରି ଦେବି ,

ବଦାନ୍ୟ ନୁହେଁ ମୁଁ ସ୍ବୟଂ ପରା ପ୍ରଭୂ 

କୃପଣ କିପରି କହିବି ।।

ହସର ଜୁଆର ଖେଳାଇ ପାରୁନି 

କିପରି ଦେବି କନ୍ଦାଇ, 

ସୃଷ୍ଟି କରିନାହିଁ କ୍ଷୁଦ୍ର ଜୀବଟିଏ

ଧ୍ବଂସ କି କରି ପାରଇ। ।

କର୍ତ୍ତବ୍ୟ କରୁନି ସଚ୍ଚୋଟରେ ଯଦି 

ଅଧିକାର କିଆଁ ମାଗିବି ,

ପ୍ରେମ ବାଣ୍ଟିନାହିଁ ସହୃଦୟେ ଯେବେ 

ଘୃଣା କିପରି କରିବି ।।

ପ୍ରସଂଶା କରିନି ପାଟି କେବେ କାହା

ନିନ୍ଦା କରିବି କିପରି,

ବିପଦେ ସମୀପେ ଛିଡା ହୋଇନାହିଁ 

ସଂପଦେ ପାଦ ବଢଇ। ।

ବିଚିତ୍ର ଦୁନିଆଁ ରୀତି 

ତେଲିଆ ମୁଣ୍ଡରେ ତେଲ ଲାଗେ ଏଠି

ଝିଣ୍ଟିକା ମାରି, ବଣି ପୋଷଇ ।।

               ***

ଚନ୍ଦ୍ରକାନ୍ତି ମିଶ୍ର। ।