ରଥେ ସୁନାବେଶ ( ଚନ୍ଦ୍ରକାନ୍ତି ମିଶ୍ର,ବଲାଙ୍ଗିର )

 

ରଥେ ସୁନାବେଶ ଦେଖି ତୁମ ପ୍ରଭୂ 

               ନୟନ ହେଲା ମୋ ଧନ୍ଯ 

  ଆତ୍ମା ପରମାତ୍ମା ମିଳନ ହୁଅଇ 

                ଶରୀର ଲାଗଇ ଶୂନ୍ୟ ।।

କିରୀଟ, କୁଣ୍ଡଳ, ପୟର,ହସ୍ତଯୁଗଳ

                  ତହୁଁ ପୁଷ୍ପ ଅଳଙ୍କାର 

ତୁଳସୀର ମାଳ ମସ୍ତକେ ଶୋଭିତ  

                 ଦିଶେ କେଡେ ମନୋହର ।

କରକମଳରେ ଶଙ୍ଖ,ଚକ୍ର ଶୋହେ

                  ଅଣ୍ଟାରେ କମରପଟି 

ବାଘନଖମାଳୀ, କଦମ୍ବରମାଳୀ

                 ଗଳାରେ ଶୋଭଇ ଅତି ।

 ପୁଷ୍ପ ର ସୌଭାଗ୍ଯ ବସ୍ତ୍ର ର ଗୌରବ 

                ଲାଗେଯେ ତୁମ ଶ୍ରୀଅଙ୍ଗେ 

ଝଟକନ୍ତି ସର୍ବେ କ୍ଷଣପ୍ରଭା ସମ

               ରଙ୍ଗେଇ ହୋଇ ତୋ ରଙ୍ଗେ ।

ହରିବୋଲ ସାଥେ ହୁଳହୁଳି ନାଦ 

               ଭକତ କଣ୍ଠରୁ ଝରେ

ବିଶ୍ବବ୍ରହ୍ମାଣ୍ଡ ବିମୋହିତ ହୋଇ

               ତୁମରି ରୂପକୁ ଝୁରେ ।।

🙏🙏🙏🙏

ଚନ୍ଦ୍ରକାନ୍ତି ମିଶ୍ର, ବଲାଙ୍ଗିର