ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ (ଚନ୍ଦ୍ରକାନ୍ତି ମିଶ୍ର,ବଲାଙ୍ଗିର)

      

   (ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ)

ଯୁଗଜନ୍ମା ତୁମେ ଗାନ୍ଧୀ, ଶାସ୍ତ୍ରୀ

ଧନ୍ଯ ଏ ଭାରତ ଭୂଇଁ,

ତୁମରି ଆଦର୍ଶ ତୁମରି ଚିନ୍ତନ 

ନିର୍ଝର ଝରଇ ଯହିଁ  ।

ସ୍ବାଧୀନତା ର ସ୍ବାଦ ବାଣ୍ଟିଦେଲ 

କଠୋର ତପସ୍ୟା କରି,

ଅହିଂସା ,ସତ୍ୟ ର ବାର୍ତ୍ତା ଦେଇଗଲ 

ହିଂସା କୁ ବକ୍ଷରେ ସହି ।

କାଳଜୟୀ ତୁମେ ହେ ମହାମାନବ 

ସରଳତା ତବ ଧନ,

ଶାନ୍ତି, ମୈତ୍ରୀ ର ଧ୍ବଜା ଉଡୁ ସଦା

ବାଣୀ ତୁମ ଚିରନ୍ତନ ।

ଅହିଂସା ପୂଜାରି,ଶାନ୍ତି ର ଦୂତ

ଆଳସ୍ୟ ବିହୀନ ପ୍ରାଣ ,

ସଚ୍ଚା ଦେଶପ୍ରେମୀ ,ଆହେ ମୃତ୍ୟୁଞୟୀ 

ତୁମକୁ କୋଟି ପ୍ରଣାମ  ।

ନିଃସ୍ବାର୍ଥ ସେବକ ଦେଶମାତୃକାର

କରିଛ କାରାବରଣ,

ସ୍ବାଭିମାନ ତୁମ ଜାତିର ଗୌରବ 

ରଖିଛ ମା'ର ସମ୍ମାନ। 

ଋଣ ଶୁଝିଦେଲ ଦେଶମାତୃକାର 

ସ୍ବାଧୀନତା ଦେଇ କରେ,

ଚିନ୍ତା ଧାରା ତୁମ ପ୍ରତିହୃଦେ ରହୁ

ଏତିକି କାମନା କରେ  ।

ଚନ୍ଦ୍ରକାନ୍ତି ମିଶ୍ର 

ବଲାଙ୍ଗିର  ।