ଦଗ୍ଧ ଫୁଲବନ (ଚିତ୍ରାରାଣୀ ପାତ୍ର)

 

     

      ।।ଦଗ୍ଧ ଫୁଲବନ।।

ସୁରମ୍ୟ-ଉଦ୍ୟାନ ଆଜି ନାହିଁ ଆଉ

ଉଜୁଡି ଯାଇଛି ସବୁ,

କିଏ ନିରୀମମ ଜାଳିଦେଇଗଲା

ଦଗଧ ହେଉଛି ବୁକୁ।।(୧)।।💐

ସୁରଭି  ଏବେବି ମହକିତ ହୁଏ

ବାଡିଘର-ଅଗଣାରେ,

ଜାତି ଜାତି ରଙ୍ଗ ନାଚେ ଦୃଶ୍ୟ ପଟେ

ଭୁଳିମୁଁ ପାରୁନି ଥରେ।।(୨)।।💐

ସବୁଜ-ଗାଲିଚା ନାହିଁ ଆଗଭଳି

ଜଳି ଯାଇଛି ତା'ଦେହ,

ମନରେ ଜାଗୁଛି ଅଜଣା ଆଶଙ୍କା

ଛାତିରୁ ଉଠୁଛି କୋହ।।(୩)।।💐

ଶିଶିର-ଭିଜାସେ ଫୁଲଗଛ ସବୁ

ମନରୁ ଯାଇନି ଲିଭି,

ତୁମ ପ୍ରେମ ଆଜି ସ୍ମୃତିରେ ଭାସୁଛି

ଦିକି-ଦିକି ଜଳୁଅଛି।।(୪)।।💐

ପତ୍ର-ଝରା ଋତୁ ହୋଇଛି ଜୀବନ

ଆଉ କିଛି ବାକିନାହିଁ,

ସୁନେଲି-ସପନ ଦେଖୁନାହିଁ ମୁଁଯେ

ଜୀବନଟା ମରୁଭୂଇଁ।।(୫)।।💐

            ***

    ।। ଚିତ୍ରା ରାଣୀ ପାତ୍ର।।

       ।।ବାଲେଶ୍ୱର।।