ପଦ୍ମଗନ୍ଧା (ଚିତ୍ରା ରାଣୀ ପାତ୍ର)

 

              

    ।।ପଦ୍ମଗନ୍ଧା।।

ପଦ୍ମଗନ୍ଧା ତୁମେ ମହ ମହ ବାସ

ଚାଲି ମରାଳ ଗାମିନୀ,

କି ଉପମା ଦେବି ଭାଷା ନାହିଁ ମୁଖେ

ତୁମେତ ଶୋଭା-ବର୍ଦ୍ଧିନୀ। (୧)।।

କଥା ଯେବେ କୁହ ଫୁଲ ଯାଏ ଫୁଟି

ଓଠ ଧାରେ ସ୍ମିତ ହସ,

ରୂପର -ପସରା ଦେଖିଦେଲେ ଥରେ

କ୍ଷଣିକେ ହୋଇବେ ବଶ।(୨)।।

କ୍ଷଣିକ ରାଗିଲେ କ୍ଷଣିକେ ଭାଙ୍ଗବି

ଅତି କୋମଳଯେ ହୃଦ,

କିଦେଇ ଗଢ଼ିଲା ବିଧାତା ତୁମକୁ

କିବା ଦେଇଦେଲା ଗଦ।(୩)।।

କେତେବେଳେ ତୁମେ କର୍ପୂର କର୍ପୂର

ବାସୁଥାଅ ଦୂରେ ଥାଇ,

ଗଜ-ଗାମିନୀବି ଲାଗ ବେଳେବେଳେ

ନାସାକୁ ଦିଅ ଫୁଲାଇ।(୪)।।

କୁନ୍ଦଦନ୍ତୀ ତୁମେ ହସିଲେ ସତରେ

ଭାରି ଭଲ ଦିଶୁଥାଅ,

ତିଳଫୁଲ ପରି ନାସାଟି ତୁମର

ଋଷି ,ମନ ମୋହିନିଅ। (୫)।।

ମର୍ତ୍ତ୍ୟ -ମଣ୍ଡଳରେ ଅଛିକେ ସୁନ୍ଦରୀ

ତୁମସାଥେ ସରି ହେବ,

ରୂପର ବିଭବ ଭରିଛି ସର୍ବାଙ୍ଗେ

ତୁଳନା କାହାର ହେବ?। (୬)।।

                 ***

 **** ଚିତ୍ରା ରାଣୀ ପାତ୍ର।****

  **** ବାଲେଶ୍ୱର।****